خلخالیها
آشنایی با مناطق, آداب و رسوم خلخال و آذربایجان
صفحات وبلاگ
 
نویسنده: حمداله زاده - جمعه ۱۱ امرداد ۱۳۸٧

 

 

 

ترکی آتا بابا سوزلری

آتا اولماق آساندی

 آتالیق ائتمک چتیندی.

آتا دوغرایب بالایئیر.

آتا سین گورمه ین

شاهلیق ادعاسی ائدر.

آتا سیندان قاباقا دوشه ن

 تولانی قورت یئیه ر.

آتا مالین درج ایله

اونا گوره خرج ایله.

آتاما یاتاق سالدیم

قالایچی یلدی یاتدی.

آتان بیلیجی دی سنه نه؟.

آتان سوغات آنان ساریمساق

 اوزون نجه اولدون گول به شکر؟

آتانین دعاسی آنانین ناله سی.

آتام آتام من بو ایشه ماتام.

آتام ائوینده بایلق باشی

 اریم ائوینده تویوق آشی.

آتام ایله آتامی دئینجه

 اوزوم ایله اوزونو دئه.

آتامی آنامی آتمیشام

 تکجه سنی توتموشام.

آتانین دعاسی آنانین آهی.

آتا ائوینده اوگیه آنا

_ار ائوینده قین آنا.

آتالار سوزینه محاکیمه اولماز.

آتالار سوزی حکمتدی.

آتاسینا خیری اولمایان

کیمه خیری اولار؟

آتا اوت ایته ات وئرمزلر.

آتاسین دونقوز قاپمیش

 اوغلونی ایلان چالمیش.

آتا مین آد قازان.

آتا آنا رشوه سیز دوست دی.

 

 

 

 «منیم‌ قیزیم‌»

 

 

 

 واختیندا یاتار،

 

 واختیندا دورار،

 

 گونده‌ اوچ‌ دفعه‌

 

دیشلرین‌ یویار،

 

 واختیندا یئیه‌ر

 

 صبحانه‌ سینی‌،

 

 واختیندا یازار

 

اوخور در سینی‌.

 

 مخصوص‌ یئری‌ وار

 

 کتابـــلاریـنـین‌،

 

 یئرینه‌ ییغار

 

او هربیر زادین.‌

 

 قوناقدان‌ آلماز

 

 تئز قولچا قلارین،‌

 

 یاخشی‌ ساخلایار

 

 اویونجاقلارین‌.

 

 او آناسینا،

 

کومک‌ده‌ ائده‌ر،

 

 بونونچون‌ اونو

 

هامی‌ چوخ‌ سئوه‌ر.

 

 

 

(تنبل حسن‌)

 

  بیر اوغلاندیر تنبل‌ حسن‌

 

نئجه‌ تنبل‌ گَل‌ گؤره‌سن‌!

 

 اَلی‌ قارا، اؤزو قارا

 

 شالوارینین‌ دیزی‌ قارا.

 

 اوزون‌ یوماز سحر – سحر،

 

مدرسه‌یه‌ بئواخت‌ گئده‌ر.

 

 او مشقینی‌ غلط‌ یازار،

 

توپورجکله‌ سیلیب‌، پوزار.

 

 میدادلارین‌ هئی‌ قاتدایار،

 

 مشق‌لرین‌ شولاتدایار.

 

 معلّیمی‌ دئیه‌ر دیکته‌،

 

او صفر آلار کوفته-‌ کوفته‌.

 

 بیر اوغلاندیر تنبل‌ حسن‌،

 

نئجه‌ تنبل‌ گل‌ گؤره‌سن‌!

 

 ائولرینده‌ بیرایش‌ گؤرمز،

 

 درس‌ لرینه‌ فیکیر وئرمز.

 

 گئجه‌ گوندوز توپ‌ اوینایار،

 

 هر کیلاسدا اوچ‌ ایل‌ قالار.

 

 کیتابلاری‌ جیریق‌ - جیریق،‌

 

 اوستو- باشی‌ شیره‌- شیرتیق‌.

 

 او آینایا باخسا اگر

 

آینانی‌دا چیرکه‌ چکر.

 

 بیر اوغلاندیر گوزه‌ل‌ گؤیچک‌،

 

 اؤزو - گؤزو دولو میلچک‌.

 

 

 

 

 

 «سوت‌»

 

 

 

 مه‌لر، مه‌لر قویونوم‌

 

 داغدان‌ گلر قویونوم‌.

 

 آنام‌ ساغار سوتونو،

 

 دولار بایدا بوتونو.

 

 سَحر سوتو یئیه‌رَم‌،

 

آنا ساغ‌ اول‌ - دئیه‌رم‌!

 

 

 

 «قویونوم‌»

 

 

 

 گئدیب‌ داغا قویونوم‌ ،

 

اوتلاماغا قویونوم‌.

 

 یایلاقلاردا حاللانار،

 

 تؤکو یئره‌ ساللانار.

 

 آتام‌ قیرخار توکونو ،

 

یونگولله‌د‌ر یوکونو.

 

 آنام‌ اونون‌ یونوندان

 

منه‌ تیکَر بیر یورقان.‌

 

برگرفته از وبلاک اوشاقلار باغچاسی

 

 

نویسندگان وبلاگ:
کدهای اضافی کاربر :